عماد العسكري: بَسك يا جرح بَسك يا جرح مو بان خيط الليل اغفه وي ال...: بَسك يا جرح بَسك يا جرح مو بان خيط الليل اغفه وي الحزن كل ليل اذا اظلم انام اعله الوجع ووسادتي انا هموم وفراشي ...
الاثنين، 13 يناير 2014
عماد العسكري: بَسك يا جرح بَسك يا جرح مو بان خيط الليل اغفه وي ال...
عماد العسكري: بَسك يا جرحبَسك يا جرح مو بان خيط الليلاغفه وي ال...: بَسك يا جرح بَسك يا جرح مو بان خيط الليل اغفه وي الحزن كل ليل اذا اظلم انام اعله الوجع ووسادتي انا هموم وفراشي ...
بَسك يا جرح
بَسك يا جرح
مو بان خيط الليل
اغفه وي الحزن كل ليل اذا اظلم
انام اعله الوجع ووسادتي انا هموم
وفراشي القهر وغطاي من علكم
ما وجد كمت ما فرزن اليمشون
والسور البنيته انثلم واتهدم
بسك ياجرح
بس كافي تنزف دم
أطشر حزن والجرح ما مهتم
أحجي وجرحي ندى اهموم
ما ينفع اضمه ولا يفيد الضم
ولا ينفع ركع للثوب المخرم
بسك يا جرح
بسك كافي تنزف دم
اخيط بيك صار سنين
وأنت الجرح الاول ينث ما يلتم
بطل لا تكول اتلاوه وي الكون
بيش اتلاوي كونك عاقل وتفهم
برجال الامس باكونه نص الليل
لو ذوله الكلونه بخبز المسمسم
بطلنه الغزل ظلينا نكتب أه
وانبكنا الظهر وانعرف الملثم
لا تفزع عليه مو خذاك الغيض
ما محتاج فزعك لو خذاني الهم
تذبحني الظهر وأطفالي مرعوبين
وتكلي الجهاد ايريد لا يلزم
غمك قشمروك وبعت دينك ليش
يا دين اليكلك اكتل ابن العم
بسك يا جرح
بس كافي تنزف دم
ضحايا احنه لهذا الوطن منذورين
ساعة احنه بحزن ساعة احنه نتألم
ما شفنا الفرح ما عشنا فرحانين
صدك بالفرح ظلينا نتحلم
غفت بينا المصايب جلجلت هينوب
وأطفال بزغرنا اهموم نتعلم
انباكت من وجهنا الضحكة واحنه أزغار
والجف اليجينا انكله بس تسلم
نحلم بالعراق يصير جنة وداعتك نحلم
بسك ياجرح
بس كافي تنزف دم
واحمل على اعداك بغيرة أمخذم
لا تهتم بداعش لا تخاف ارهاب
وبغيرة اخوتك صيح وأتكلم
عد عيناك كلنا وداعت العباس
نفزعلك زحف ونصيرلك بلسم
الاشتراك في:
الرسائل
(
Atom
)